白鮨 (林肯大廈) (已結業)

星期六唻鲗鱼涌开餐，特意行哂成条街睇哂先拣呢间唻试试。食晏时间人流唔多，全场只有两枱人。2人获安排坐喺对正寿司吧枱嘅圆梳化位置，好宽敞舒适。是日点咗猪骨拉面及12件寿司嘅定食。拉面普普通通，冇咩特别，胜在尚算够热。寿司定食套餐卖相一流，且件件都新鲜美味，饭唔会过酸，室温，唔会冻冰冰，饭质新鲜唔会硬掘掘。唯独附上喺旁边细细件嘅蟹柳卷就麻麻地，紫菜淋哂，且过冻。面豉汤几足料，味道都唔错，唔会偏咸。整体食物质素都唔错，好明显寿司较佳。价钱中上，店内环境宽敞舒适，店员服务良好。可惜店舖位置较偏。另外，倒算系生平头一次食日本嘢居然要收茶钱每位10蚊，且只系一般又唔系有咩特别嘅绿茶。之后再要收加一。呢点系我唯一唔会再考虑再唻嘅原因。