影片
更多
2012-01-03
137 浏览
元旦日和妹清清肠胃﹐是晚来这里吃粥。大排档式﹐见位就坐。一坐低咩都未睇呀姐就走过黎吹你落单。叫了白粥($5)油炸鬼($5)炒米粉($6)﹐妹叫了猪红皮蛋粥($14)。唔洗两分钟所有野即到。妹话﹐比起元朗某出名粥店﹐呢到虽然平五蚊但细碗好多。味道OK﹐猪红几新鲜。(我唔食猪红同皮蛋所以我唔知啦~)炒米粉可以讲话系完全无其他送﹐见图﹐白赖玺﹐虽然呢碟野个大名本来叫七彩炒米粉...阴公﹐连芝麻都无粒﹗台面有辣酱甜酱花生酱你自己DIY。花生酱很希﹐真系顶多只可叫花生汁...应该捞了麻油﹐颇香﹐但非常油腻﹗﹗白粥又系无花假﹐一粒葱都无﹐我唔知可唔可以问拒比葱啦...环境忙乱总之系快上快落个种你都唔好意思问...油炸鬼睇住拒新鲜炸起﹐仲热﹐但系窿到硬绷绷﹐一拍就断开个种﹗我见呀伯系甘炸﹐好多一出黎已经分开变成“单条”﹐上架个个呀叔好熟手甘将D单条夹开准备做炸两...相信个镬野应该系万年油﹐为健康著想﹐少吃为妙﹗﹗坐街﹐卫生欠奉。讲食物﹐甘既价钱我都无得要求更多了。风味却十足﹐那些年的大排档粥面愈来愈少了﹗支持一下啦﹗
坐街﹐卫生欠奉。讲食物﹐甘既价钱我都无得要求更多了。风味却十足﹐那些年的大排档粥面愈来愈少了﹗支持一下啦﹗
张贴
