泰聚 (已結業)

如果唔系朋友简嚟呢度食，真系唔知有间泰国餐厅喺度。其实地点唔算偏僻，天水围站落到地面；一出远望就见到餐厅唔怕行错。餐厅有2层再加露天位，如果天气凉/无落雨嘅话；其实坐露天位都几好feel。今晚我预订咗室内位置，餐厅安排咗我地坐1楼。不过叫亲啤酒，唔知点解都要等好耐...原个菠萝鲜虾鸡肉炒饭，酸酸甜甜；小朋友都食咗一大碗。腌肉碎生菜包，呢度仲可以简牛肉/猪肉/鸡肉，几贴心。我地简咗猪肉，辣味适中；肉碎唔会炒到干柴仲有肉汁。盐烧原条乌头，条鱼烧得好好；个辣汁调得仲好。怕腥味嘅朋友，点汁后完全无问题。泰式小食拼盘（小），份量都好大。春卷炸得香脆，虾饼好味。见到隔离台order咗个大（超大盘），好彩落单时侍应建议细都够食。沙爹串烧，烧得过咗龙；所以肉质偏韧。但沙爹酱调得好味。鲜虾刺身够大只，食落肉质好弹牙。甜品点咗香芒椰汁糯米饭＋泰式甜品拼盘。估唔到呢度嘅芒果糯米饭，系o家。泰式甜品一向都偏甜，小朋友钟意。