西貢海灣會燒烤大王

对于烧烤，哥从没寄望，没有冬天就要烧烤的盼望。烧烤之意从不在食，而只在围炉取暖嘅感觉。不过近年愈来愈多出色嘅烧烤场著实令人改观，尤其有海风加持嘅地方🌊今次发见地点系西贡一隅，沿海岸一直向北行，走到尽头毅然发现呢处隐世场所，未去过嘅人大概会有「柳暗花明又一村」嘅感觉 (冇错，老土就是哥😎) 沿路走过系一条木造嘅仿栈道，夜晚配上灯饰都几浪漫，而入面系铺满草皮嘅绿海，虽然唔系真草，但整体感觉都非常良好，有系海边野餐嘅感觉。叉住烧的确有围炉感觉，但我从少就非常讨厌，拎住支叉完全阻叉住我活动，所以决定加个网同个夹，$68除返开都唔算贵，最最最紧要系睇落pro好多lol 虽说哥不是老手，但唔烧唔知功夫好，卖花赞花香都要讲🤣 食物选择尚可，如果有更多海鲜类更好。猪颈肉犹其出色，几层楼咁厚，唔易烧㶶，而且腌制得不错，吃得出泰式味道，香茅味几出众。另外对食肉兽黎讲鸡扒鸡翼当然系唔少得，多春鱼同秋刀鱼都系好选择。顺带一提，酒鬼们如果要自己带酒就要收$50一支开瓶费。另外有样野要赞一赞系当日烧烧下突然落雨，有位职员明明见佢去紧厕所方向，突然转个头飞奔过黎帮我地开把大遮挡雨，如此不畏三急嘅精神，著实令人敬佩!