漁道樂 (已結業)

《尖沙咀高质人气居酒屋》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧又到左我最爱嘅日本菜环节，今次介绍依间位于尖沙咀嘅日式居酒屋，主打浜烧为主，同时提供多款时令寿司同埋刺身，正所谓不时不吃。刺身油甘鱼、北海道甜虾、𫚭鱼。油甘鱼好厚身又肥美，北海道甜虾鲜甜又弹牙，𫚭鱼烟靭又有咬口又带微微甘甜。寿司穴子细长嘅穴子寿司，足足有三件寿司咁长，食落充满鱼鮨香。海胆满满嘅赤海胆，一啖食哂入口即溶，非常鲜甜。银鳕鱼西京烧第一次见用一块叶包住嘅西京烧，银鳕鱼两边烧到金黄色，加上特制嘅西京烧酱汁，鱼肉食落好湿润，味道又甜甜地。杂锦天妇罗主角当然系生蚝天妇罗，炸皮够薄，食落蚝身饱满又大只，食落好多肉汁。萨摩手羽成只手掌咁长嘅手羽，外皮烧到微微焦香，内层肉质非常鲜嫩多汁。海胆海鲜炒饭面头嘅海胆同埋三文鱼籽铺满饭上面，仲有多款海鲜。另外饭粒粒粒分明，又有鸡蛋粒，好有镬气嘅一个炒饭。最后当然要试下佢哋嘅特色饮品柚子烧酎和巨峰啤酒，饮饱又食醉嘅一餐。