影片
更多
2021-05-30
320 浏览
久闻去西贡 Pan da Cafe 食嘢要拥有一颗超慢活嘅心，咁啱𠮶日我惊塞车迟到，早咗入到去市中心，见大把时间，于是决定去试下。由于系假日，一入到去，见室内坐满人，于是就拣咗张户外近门口嘅枱。眼见楼面得一位叔叔做嘢，忙到出烟，我唔赶时间，就一直坐喺出面等等等，一面欣赏前园嘅装饰同布置。呢度有海量有趣嘅古物，包括红 A 喼，骆驼牌水壶饭壶，旧电话时钟玩具唱盘 cassette 带等，非常吸引😲。等咗好耐好耐，我好肚饿，终于忍唔住，起身望一望入面，叔叔见状，即刻出嚟帮我落 order，我匆匆叫咗份 All Day Breakfast，之后又系一轮漫长嘅等待。当日系四月头，店入面播放哥哥嘅 Final Encounter 大碟，有我非常非常钟意嘅寂寞夜晚😍，真系非常非常非常正💕。千呼万唤始出来嘅 All Day Breakfast 非常丰富，有多士，火腿，炒嫰蛋，德国肠，芝士肠，烟肉，甜粟，焗豆，焗蕃茄同火龙果，味道大部份正常，只系炒蛋略嫌多咗少少水，另外就系火龙果唔够甜较淡口。饮埋杯 Americano，好饱。总结：嚟呢度帮衬，主要系食环境，食气氛，对食物要求不能过高，同埋必须要预留较充
由于系假日，一入到去，见室内坐满人，于是就拣咗张户外近门口嘅枱。眼见楼面得一位叔叔做嘢，忙到出烟，我唔赶时间，就一直坐喺出面等等等，一面欣赏前园嘅装饰同布置。呢度有海量有趣嘅古物，包括红 A 喼，骆驼牌水壶饭壶，旧电话时钟玩具唱盘 cassette 带等，非常吸引😲。
等咗好耐好耐，我好肚饿，终于忍唔住，起身望一望入面，叔叔见状，即刻出嚟帮我落 order，我匆匆叫咗份 All Day Breakfast，之后又系一轮漫长嘅等待。当日系四月头，店入面播放哥哥嘅 Final Encounter 大碟，有我非常非常钟意嘅寂寞夜晚😍，真系非常非常非常正💕。
千呼万唤始出来嘅 All Day Breakfast 非常丰富，有多士，火腿，炒嫰蛋，德国肠，芝士肠，烟肉，甜粟，焗豆，焗蕃茄同火龙果，味道大部份正常，只系炒蛋略嫌多咗少少水，另外就系火龙果唔够甜较淡口。饮埋杯 Americano，好饱。
总结：嚟呢度帮衬，主要系食环境，食气氛，对食物要求不能过高，同埋必须要预留较充裕嘅时间。做到以上几点嘅话，喺度食嘢其实都几 chill 几享受。
张贴
