石澳泰

营业中

休息中

Hubby和我都放假，好想出去走走，最终决定去石澳行吓。石澳对我嚟讲有好多回忆，记得以前间中跟公司老板及同事放工揸车嚟一间做烧鹅出色嘅餐厅晚饭。我公司老板去世后没有再嚟晚饭，夏天都有嚟沙滩玩，但这也是十多年前嘅事了。今日天气好好，我哋打算行情人桥，怎知桥消失了，桥座铁枝也露出了，不知是否之前被台风山竹破坏，还是纯粹定期维修。虽然和情人桥缘悭一面，但周围景色好靓，看著海浪打上石滩上巨石溅出嘅水花，宁静中嘅浪声，看著丶听著，有洗涤心灵感觉，好舒服。逗留一阵开始有肚饿感觉，于是出去揾食。嚟到这间泰菜馆门前，被它外貌吸引，餐厅主色系浅青绿色，好有大自然气息，加上开放式嘅座位，劲有渡假feel。虽然天气唔算热，但响有置身泰国感觉嘅餐厅，好自然想饮冻嘢，我哋叫咗椰汁沙冰丶芒果沙冰丶柚子沙律和泰式拼盘。这椰子沙冰系用椰子肉做，与我之前饮用新鲜椰青水不同，故此有少少失望。芒果沙冰香甜；柚子沙律柚子很多，酸甜度适中；泰色拼盘，份量啱啱好，最重要系每样食物都炸得香脆。冇楝错，有机会要同多啲朋友嚟，可以食多啲其他嘢。最后，我哋去沙滩行及坐咗一阵，享受了远离繁嚣嘅一小段时光，感恩。