影片
更多
2012-04-03
74 浏览
由南丫岛搬返出市区都一段时间，早轮趁星期五晚入返嚟，晌星期六朝就落去舢舨叹番个早茶先。两公婆落嚟饮茶，都真系志在hea，享受个环境多个啲食物，因为舢舨始终主打海鲜，做埋早市赚多个钱，兼俾个场等街坊有地方落脚打牙骹，不过，佢早市嘅点心都OK架。自已揾好位，枱上已有筷子、茶杯、碗仔同匙羮，等伙计送上热茶，可能唔系熟客仔啦，都好似唔多理啋，叫咗几次先送到壶茶嚟。而点心就摆晌晒铺面嘅档口度，全部都系大路货色，因为都系街坊生意，平平实实，唔会有咩花臣嘢，自助形式，拎个托盘，攞齐点心就吸印仔返埋位。虾肠亮点就系多虾，不愧系做海鲜生意呀！多虾之余，虾只新鲜又大粒，食落鲜味爽弹，可惜，以为啲肠粉皮拉得够薄兼通透，点知口感有啲削身，美中不足之处。不过，个人嚟讲，都值得推介嘅点心。牛肉球一客三粒，牛肉味鲜，咬落唔死实，加咗马蹄粒、芫茜，整体味道唔错。凤爪晌出面档口睇见啲凤爪时，好似好大笼，仲只系小点添，返到埋位，夹起啲凤爪时，先发现用咗好多芋头垫底，仲大大旧添，真系走漏眼。好彩嘅系凤爪啲味道唔差，够晒入味；虽然好多芋头，其实啲芋头都几好食，一来够粉，二来就系索晒啲汁，几惹味哩！一边叹一盅两件，一边呷啖菜，
自已揾好位，枱上已有筷子、茶杯、碗仔同匙羮，等伙计送上热茶，可能唔系熟客仔啦，都好似唔多理啋，叫咗几次先送到壶茶嚟。而点心就摆晌晒铺面嘅档口度，全部都系大路货色，因为都系街坊生意，平平实实，唔会有咩花臣嘢，自助形式，拎个托盘，攞齐点心就吸印仔返埋位。
虾肠亮点就系多虾，不愧系做海鲜生意呀！多虾之余，虾只新鲜又大粒，食落鲜味爽弹，可惜，以为啲肠粉皮拉得够薄兼通透，点知口感有啲削身，美中不足之处。不过，个人嚟讲，都值得推介嘅点心。
牛肉球一客三粒，牛肉味鲜，咬落唔死实，加咗马蹄粒、芫茜，整体味道唔错。
凤爪晌出面档口睇见啲凤爪时，好似好大笼，仲只系小点添，返到埋位，夹起啲凤爪时，先发现用咗好多芋头垫底，仲大大旧添，真系走漏眼。好彩嘅系凤爪啲味道唔差，够晒入味；虽然好多芋头，其实啲芋头都几好食，一来够粉，二来就系索晒啲汁，几惹味哩！
一边叹一盅两件，一边呷啖菜，吹吹海风望望天，难得蓝天碧海，心情都爽啲。最后埋单$60，事前都无问茶钱几多，点心咩价，不过，开扬海景无遮无挡，挞住拖鞋绝不歧视，晌香港都揾唔得几多地方系咁啦！食够，起行，行山去。
张贴
