皇室盛宴 (已結業)

第一次光顾，入到去感觉好舒适，装潢优雅以白色做主调，有张浅绿色梳化摆左系窗个边，整个感觉似系屋企食饭多过出左去餐厅食，仲有个outdoor出去比人坐下倾计。 招牌deluxe套餐有7道菜，食既野同系Openrice睇既差唔多，味道同卖相兼备，其中份煎西瓜好别致好吸引到我，面头铺满杏仁碎，连同西瓜上既洋葱同姜葱一齐食口感会好丰富，值得一试。其次就系份带子刺身，白松露味浓郁的确带出左带子鲜味，难怪大部分黎过既人都试呢份带子。其他菜式就不过不失，有中上级别既水准，亦食得出厨师对于每道菜既坚持同心思。 服务好好，Serve我地个位男仔好有礼貌，好nice，每道菜出完之后都会讲一讲其食法或卖点。