J's Bar Bistro (已結業)

适逢朋友生日见帝苑酒店嘅餐厅推出咗一个新嘅粉红色主题下午茶，就同朋友去食兼庆祝～ Afternoon tea set 有4款咸点同8款甜点，两杯特式饮品 或 咖啡/茶～ 而今次嘅tea set 系联成Pretti5 skin care嘅品牌嘅。食完仲送咗一set 护肤品试用装同化妆袋套装添～ 依set afternoon tea 有别于传统3层果种afternoon tea 碟架 ，似一个tray咁😆充满粉红感～ 咸甜点都出色 帝苑饼房出名嘅蝴蝶酥依然保持到水准 好味道😋够酥。不过我觉得佢个咸甜比例如果可以一半一半 或 咸点多一点会更加吸引～ 而tea set 有粒大粉红朱古力蛋嘅😂卜烂入面仲有软糖同朱古力豆～ 而因为系庆祝朋友生日就麻烦咗佢哋帮忙安排放左个Happy Birthday 牌仔。 两杯特饮味道也相当不错 而且都几靓 几啱打卡🥰 环境静静地又倾到计 整体来讲 依个tea 绝对岩哂少女心钟意粉红系嘅朋友仔 好味得嚟又打卡able 。 Tea set 相对精致 如果唔够喉想另添嘢食嘅就可以睇下枱上嘅几款咸食可以嗌。