茶米 (太古廣場) (已結業)

朋友喺金钟考试， 所以想揾间就脚啲嘅餐厅但又唔想食西餐所以上咗OpenRice睇吓有咩好食，见到呢间台式餐厅都有几多好评所以就book咗位黎试吓，入到去环境舒适座位宽敞，心情都靓啲。松露杂菌捞肠粉呢个肠粉卖相唔错，黑松露同埋杂菌加肠粉食落去有杂菌嘅爽口再加上黑松露味加上滑溜嘅肠粉食落去口感非常好，味道唔错。温泉蛋肉味噌葱油太面捞左温泉蛋嘅油面果然系唔同，味道有台式嘅肉燥加少少甜味，而且面条烟韧，每条都沾满左酱油同埋温泉蛋嘅味道，每口食得好滋味。芝士海盐迷你芋圆烤茶呢个系餐厅嘅推介饮品，芝士同海盐同埋呢个烤茶味道好夹，再加上芋圆烟韧嘅口感令到呢杯嘢饮味道更加丰富同好饮。呢间台式餐厅位于太古广场而且价钱都好合理又唔算贵而且食物质素都好高，系一个唔错嘅选择。