鮨樂 (MOSTown新港城中心(4期))

营业中

休息中

楼下开左间新嘅日本野，两个人就冲入去试下味。首先叫左我去日本餐厅必点嘅炙烧鱼背，都几香口，软林林几好味。帆立贝好大旧，几新鲜亦比较爽口。另外有叫三文鱼腩，我觉得正正常常啦。但要讲一讲个炙烧原条星鳗，又香口又暖笠笠，我估我最钟意食系呢样，食完好满足！啲军舰系最特别，碟碟都多到爆落只碟到。三文鱼子好大粒好脆，冇乜腥味（本人比较钟意食腥味重嘅）。个葱粒碎吞拿鱼捞左啲腌萝卜入去，系特别嘅，但似乎有啲盖住左吞拿鱼本身嘅味道？个蟹肉蟹膏军舰啲蟹膏太少，亦都感觉比较干，带吾出啲香浓嘅蟹膏味，不过啲蟹肉都有味嘅，ok 啦。成间野啲饭都比较细，包括个鳗鱼丼饭都系好细份，所以要食饱真系需要叫多几份寿司😂 我觉得个蟹子沙律几新鲜嘅。整体黎讲我觉得倾计系几舒服，仲有卡位坐，私隐度比较高，如果想约朋友慢慢食同倾下计都几好。不过价钱偏贵，两个女仔食左860几蚊，性价比偏低。