Wagyu Bar & Grill

营业中

休息中

今日朋友提议一齐去Wagyu Bar & Grill食个lunch见吓面。我哋坐低睇过Menu后叫咗以下嘅嘢食。辣肉肠薄饼（$170）：辣肉肠好够味。Pizza皮质地软熟烟靭。芝士够多，亦做到拉丝嘅效果。和牛汉堡 配青瓜酸乳酪酱汁，蒜蓉薯条 （$165）：呢个汉堡有好多层，有蔬菜，蕃茄，酸青瓜，汉堡两片，芝士同流心煎蛋一只。食咗半个汉堡已经觉得好饱，真系份量十足。薯条金黄松脆，配埋青瓜乳酪酱汁，减少油腻感。沙律菜新鲜爽口，车厘茄Juicy。士多啤梨奶昔（$58）：奶味重，士多啤梨味浓郁。口感幼滑。餐厅播住轻松嘅英文歌，环境整洁，装修带风情，两个人喺呢度渡过了一个轻松的下午。