Cozy Coffee

营业中

休息中

假日同朋友去活化左嘅南丰纱厂逛下，睇吓展览。无意间见到呢间餐厅，环境都几靓，我地又行到攰攰地，加上见到食物卖相都好吸引，所以就拣咗呢间餐厅食个lunch。但由于系假日关系，当日都系座无虚席，所以我地都要等左一阵位。食物方面，我哋叫咗两个我哋All day breakfast，一杯软雪糕朱古力。All day breakfast好丰富，牛角包非常酥脆，两款香肠亦都好美味；烟三文鱼就冇乜特别都系一般嘅口味，唔会太咸；沙律菜非常新鲜。软雪糕朱古力非常好味，软雪糕好幼滑牛奶味香浓。呢间餐厅俾人感觉非常之轻松舒服，非常适合行到攰，坐低同朋友倾计饮嘢。唯一要注意嘅就系呢度系要自己去买嘢食同埋自己揾位嘅。