Chill and Grill (裝修中)

西班牙海鲜炒米粒面： 米粒面唔系饭，大大粒好有口感，配大虾青口， 都好入味。香煎带子墨汁意大利饭： 香浓垒汁，牛油味备浓， 咸度适中。意大利蕃茄大蚬意粉（微辣）：大蚬份量都多，都冇咩沙， 微辣蕃茄味，相对芝士比较清新。烧法国黄油全鸡： 推荐， 色香味俱全，入味， 鸡皮烧得香，肉嫩滑， 全鸡但处理过，似鸡扒，唔会有太多骨/或食唔到既位。香辣墨西哥粟米片： 有好多芝士捞系粟米片，牛油果蕃茄粒酸忌廉酱唔算辣。法式焦糖炖蛋： 口感顺滑，但蛋味唔算太出。芒果拿破仑： 有惊喜，忌廉唔算太重奶味，芒果甜，饼层新鲜脆口。 价钱唔平， lunch set 选择唔太吸引，散叫选择多。