Le Voila (已結業)

今日朋友带左我黎呢间法国餐厅食lunch, 由于对法国菜依然停留系"螺"既阶段, 所以都无期待过有好野食，但既然FD想试新野，咪舍命陪君子…入到去，环境都唔错，几外国feel既餐厅，有啲优雅、温暖既感觉，个人认为几适合情侣或gathering。讲下我个前菜先：Duck confit brick(图上), 外脆内松软。鸭腿丝感觉味道较浓郁，但配以洋葱、青瓜就变得好fresh，一啲都唔觉油腻！主菜拣咗Salmon Coulibiac(图左), 千层酥外形冇咩特别，但里面系三文鱼焗饭就相当特别，可以讲几有惊喜！话说个sauce都几好味，卖相都OK甜品拣咗”焦糖cheese cake”(图右), 咸咸甜甜咁，仲好香滑。而图中既另一杯野呢，其实系甜品----Tiramisu. 开始时仲以为系饮品，同FD疑惑左几秒，Anyway, 口感非常之浓滑！件菠萝都好fresh, haha~总括黎讲，环境唔错、食物亦都好有水准、服务态度都好好，员工好nice好热情！交谈中得知系本土青年开既，觉得好surprise之余亦觉得欣慰，支持年青人创业！