小時光 (已結業)

好怀念台湾嘅美食，今日终于约咗屁屁去咗观塘工业大厦嘅一间台湾小店食嘢，之前睇OpenRice已经知道呢间餐厅装修非常特别，所以今日专登去试！铺头嘅装修系以学校情景为题，有学生櫈同埋学生枱，而且仲有书架添，全部都好有台湾中学嘅感觉，而且侍应生仲着埋高中生校服，更加似层层！呢度嘅环境真系非常一流，好适合一班朋友嚟打卡！我哋叫咗肉操饭套餐同埋香芋Lattee，肉操饭味道真系唔错，啲汁够晒送饭嘅，而且肉操肥瘦适中，有浓郁嘅酱油味，非常啱送饭！套餐配埋卤水拼盘：干豆腐、鸡翼、海带等等，非常丰富！香芋Lattee 几好饮，面头仲有好浓厚嘅奶泡，而且仲好香芋头味，又唔会太甜，另外佢仲配埋cereal ，好食㖞！