架勢廚房 (馬寶學林33) (已結業)

喺朋友屋企打牌睇波，大家都唔愿出街食，宁愿买外卖好过🤣。各自打开手机App拣想食嘅嘢，非常方便。我哋见到有间叫「架势厨房」嘅餐厅，乜都有得食，夹埋一齐嗌够指定金额，可享折扣优惠。我去到拎外卖先发现原来佢系近嚟新兴嘅云端厨房，同一个地方煮出环球美食🌍👨🏻‍🍳，包括川式、韩式、日式、台式、港式同星洲等，选择繁多。食物定价正常，正价$5X-$6X一份，份量几多，而且外卖包装亦都企理，准时出餐。阿林炒饭配猪肉串($78/套餐)，呢个类似印尼炒饭，非常惹味。虽然炒饭好深色🍛，但唔会太重口味，佢加咗好多配料一齐炒，例如三色灯笼椒、洋葱同鸡肉等，另外仲有一只煎蛋🍳。炒饭本身亦配有两串串烧，饭𩠌嘅份量同样十足。麻辣口水海南鸡饭($78/套餐)，口水鸡属于星马菜式，所以嗌套餐送小食。🐔鸡件基本上去咗骨，肉质几滑，而且无乜雪味；而我就最钟意佢个口水汁🌶，麻得过瘾，少少辣，送白饭啱晒。底部仲垫咗啲蔬菜索味，正啊。上面两个餐跟配小食，我哋要咗马来沙嗲鸡串🍗同埋沙嗲鸡翼，两样都高质。串烧啲肉并无烧到过晒火，因此无干晒硬晒，而且清楚分到系猪定鸡。台味晚市2人套餐A($118)，套餐包两个台式便当🍱连汽水，平过单点