Tai O Lookout

营业中

休息中

搭车黎到大澳都要行一段路先到呢间餐厅。可惜佢冇得预约座位，闲日黎谂住可以唔洗点等，但疫症关系，餐厅冇开哂所有枱，黎到餐厅前面仲有几对人响前面排队，大概等左二十分钟就入得。响呢个环境食下午茶，等一阵都值得既。等紧既期间，门口旁边会有D大澳特色lego摆设，都几有趣。坐唔坐到窗口位真系好睇彩数，个个位私稳度十足，加埋特大海景，有度假既感觉，真系好正。最后坐左餐厅中间位置，影相可以影璃屋个尖端架构做背景，效果都唔错。如果系周未时间，会有两人套餐，低d既价钱可以食到几样野，仲要有甜品，算几抵食。今次闲日黎唯有散叫。对呢到既饮品其实有点儿失望。一上枱，呢两杯红树林特饮同埋红莓荔枝梳打都好靓，饮落就冇咩特别，都系酸酸地咁。就系紫贝天葵味道同埋红莓味道，可能期望太高，但饮落冇咩惊喜。由于食既野都偏脆口既煎炸类，点都会叫番杯野饮既。最钟意系虾酱多士，虾多士好脆口，入面都有好多肉，一d都唔粉，配合埋特制虾酱，两样野非常之夹，虽然浓味，但都食唔停口。不过虾酱只味其实会盖过左个多士味，所以建议切一小心多士，再涂薄薄一层虾酱响个肉到，咁就perfect池啦。切开可以见到d肉几多。好后悔叫左两款都系虾酱既菜式。