影片
更多
2024-10-28
5646 浏览
睇咗Mill Milk嘅介绍，我一直心心念念生日要食到，所以喺生日前个几月已经叫朋友mark实，捕住佢开放时间，终于book到6点𠮶段时间。话哂第一次试，我哋就拣咗佢嘅招牌猪骨蚬煲。猪骨味浓郁，再加少少蚬嘅鲜甜，趁未渌嘢食，自己已经𢳂咗两碗饮🤪据我所知，珍姐啲牛好出色，仲有款即日㓥，所以除咗叫碟老兰嫩牛四并之外，我哋仲叫咗扇牯牛皇。先讲老兰嫩牛四并，有四款牛嘅部位，分别系封门柳、牛颈脊、牛匙柄、牛胸签，未上菜之前就已经有员工拎住哩四款牛肉嚟向我哋一一介绍，同我哋解释边款肉味比较出，边款油脂感比较重，我自己食牛就最睇重肉味，其中封门柳最为突出，口感扎实。其后扇牯牛皇，食唔食得出即日㓥，我就真系冇本事，但就食得出睇得出啲嘢真系新鲜架，望落啲牛嘅色水都好靓，一样又系有几个部位(sorry 唔系好记得🤡)不过相对老兰嫩牛略嫌肉味唔够出，次序应该调一调转食。随此之外，其他配菜都大件新鲜。最后成间舖嘅环境氛围服务，都令我哋体验好好，除咗员工会为大家介绍菜式之外，仲不断会YO食客，搭下嗲，吹下水。同场有其他食客都系庆祝生日，全间舖播哂生日歌熄哂灯好有气氛，仲送咗杯酒俾我哋饮，哩餐生日饭食得相当轻松愉
话哂第一次试，我哋就拣咗佢嘅招牌猪骨蚬煲。猪骨味浓郁，再加少少蚬嘅鲜甜，趁未渌嘢食，自己已经𢳂咗两碗饮🤪
据我所知，珍姐啲牛好出色，仲有款即日㓥，所以除咗叫碟老兰嫩牛四并之外，我哋仲叫咗扇牯牛皇。
先讲老兰嫩牛四并，有四款牛嘅部位，分别系封门柳、牛颈脊、牛匙柄、牛胸签，未上菜之前就已经有员工拎住哩四款牛肉嚟向我哋一一介绍，同我哋解释边款肉味比较出，边款油脂感比较重，我自己食牛就最睇重肉味，其中封门柳最为突出，口感扎实。
其后扇牯牛皇，食唔食得出即日㓥，我就真系冇本事，但就食得出睇得出啲嘢真系新鲜架，望落啲牛嘅色水都好靓，一样又系有几个部位(sorry 唔系好记得🤡)不过相对老兰嫩牛略嫌肉味唔够出，次序应该调一调转食。
随此之外，其他配菜都大件新鲜。
最后成间舖嘅环境氛围服务，都令我哋体验好好，除咗员工会为大家介绍菜式之外，仲不断会YO食客，搭下嗲，吹下水。同场有其他食客都系庆祝生日，全间舖播哂生日歌熄哂灯好有气氛，仲送咗杯酒俾我哋饮，哩餐生日饭食得相当轻松愉快，系绝对会想同朋友再嚟多次！
573 浏览
0 赞好
0 留言
1214 浏览
0 赞好
0 留言
张贴
