珍姐廚房

营业中

休息中

今餐想食下住家菜，嚟到呢间喺大坑嘅珍姐厨房，餐厅无华丽装潢，却有一份难得嘅人情味，坐底一阵就已经见唔少街坊入嚟帮衬珍姐。今日珍姐推介豆腐火腩饭！呢度嘅豆腐火腩够晒份量呀！火腩同豆腐一样咁大旧，大大啖咁食，落过足口瘾。整体调味唔会过重，好住家。清蒸马友马友蒸得啱啱好，鱼油充沛，肉质柔软嫩滑，鱼汁加少少豉油用嚟捞饭一流!!白灼芥兰出街食菜最怕太多油，喺珍姐厨房就绝对唔会有呢个问题，芥兰唔会烚过龙，又少油，够晒健康。临尾再饮多碗老火汤，清清地，正呀。