吃茶三千 (海運大廈)

营业中

休息中

呢间奶茶饮过好多次，但我成日都冇介绍过，因为佢已经好多人排队啦😂😂依家冬天最适合饮番杯手摇饮品。所以我决定推荐俾大家，一定要饮返一杯冻国王珍珠奶茶，唔知有冇人冬天好似我一样都钟意饮冻嘢。无论我上年生BB都好，我都间唔中坚持饮一杯珍珠奶茶😂😂做个快乐妈咪。国王珍珠奶茶🩷🩷🩷🩷🩷佢个茶叶系拎过食品界米其林奖，无可否认佢个茶叶真系几香，因为平时饮珍珠奶茶好多加咗奶粉都令到杯奶茶冇乜茶味，但呢个唔同，佢系可以饮得出个茶叶味更加浓咗，而且佢个珍珠超有嚼口。我超钟意佢呢一杯国王珍珠奶茶。当然佢有啲其他限定我都钟意饮，希望佢出反西柚系列，饮过咁多个系列，佢最有惊喜。我都推介好多朋友饮，不过唔知点解唔同分店嘅冲法口味唔同，有啲冇咁浓，有啲就好淡。可能有时忙得滞快手冲既味道都唔同。我不嬲都觉得台湾啲手摇系好饮啲，以前饮开天仁茗茶，不过佢近几年味道已经唔同咗。希望吃茶三千可以保持到水准。