影片
更多
2021-09-10
219 浏览
自从春水堂嚟咗香港开分店之后ㄧ直都想揾机会试，可惜每次周末经过都见到好多人排队。趁平日夜晚约咗朋友喺太古城食饭，于是就提议不如食依间。夜晚7点几嚟到，唔算好多人，排咗10分钟左右已经有得入。店内里面嘅环境都几宽敞，坐得舒服。今次嚟到一心想试下佢嘅牛肉面，于是就叫咗最经典嘅红烧牛肉面。另外仲叫咗个炸物小食同埋必点嘅珍珠奶茶。食物都上得快，唔洗等好耐已经有得食。➡️ 红烧牛肉面 (半筋半肉) 【$82】牛肉大概有4-5件左右，筋同肉差唔多各一半。佢啲牛肉煮得非常淋，入口即溶，充满骨胶原。依款面嘅汤底唔系𠮶种中药药膳汤底，都食到有牛肉鲜味嘅，不过我觉得如果可以再浓郁啲会更好。牛肉面全部清一色系幼面，虽然我觉得粗面挂汤力会更加好，但幼面都唔错 。不过有个严重嘅败笔系我觉得啲面煮得太淋，略嫌无咩口感唔够弹牙，个人中意食啲比较烟韧嘅面。佢牛肉面分量都Ok, 食完啱啱好够饱。不过坦白讲依个价钱食碗牛肉面真系贵咗少少😭 ➡️ 金沙芋泥丸 【$48】佢嘅小食选择其实唔算好多，反而卤味比较多，不过今次嚟都系想食炸物。本身挣扎紧叫黄金香酥鸡定芋泥丸，但因为谂起平时已经食咗好多盐酥鸡，所以今次都系试下其他野。芋泥
今次嚟到一心想试下佢嘅牛肉面，于是就叫咗最经典嘅红烧牛肉面。另外仲叫咗个炸物小食同埋必点嘅珍珠奶茶。食物都上得快，唔洗等好耐已经有得食。
➡️ 红烧牛肉面 (半筋半肉) 【$82】
牛肉大概有4-5件左右，筋同肉差唔多各一半。佢啲牛肉煮得非常淋，入口即溶，充满骨胶原。依款面嘅汤底唔系𠮶种中药药膳汤底，都食到有牛肉鲜味嘅，不过我觉得如果可以再浓郁啲会更好。牛肉面全部清一色系幼面，虽然我觉得粗面挂汤力会更加好，但幼面都唔错 。不过有个严重嘅败笔系我觉得啲面煮得太淋，略嫌无咩口感唔够弹牙，个人中意食啲比较烟韧嘅面。佢牛肉面分量都Ok, 食完啱啱好够饱。不过坦白讲依个价钱食碗牛肉面真系贵咗少少😭
➡️ 金沙芋泥丸 【$48】
佢嘅小食选择其实唔算好多，反而卤味比较多，不过今次嚟都系想食炸物。本身挣扎紧叫黄金香酥鸡定芋泥丸，但因为谂起平时已经食咗好多盐酥鸡，所以今次都系试下其他野。芋泥丸总共有4粒，中间包嘅系咸蛋黄，我其实觉得有啲偏甜，而芋泥系几绵密嘅。不过可惜嘅系我觉得芋丸食落唔够香脆，口感都系比较淋。个人觉得麻麻，下次未必会再叫，可能叫其他炸物仲好。
➡️ 珍珠奶茶 (冻)(走冰走甜) 【$32】
春水堂珍珠奶茶一向出名，一场嚟到当然系要点返一杯。虽然叫咗走冰，不过始终都系会有啲碎冰，无得全走。佢啲珍珠属于偏细，我觉得好Q弹，几有咬口，不过如果大粒啲食落就会更加过瘾啦。佢嘅茶味几重，而且饮落有阵茶香，真系几好饮，系我中意嘅口味，大推👍。
整体而言，其实佢啲单价都唔系平，我觉得饮品系出色过食物，如果嚟嘅话记得要叫野饮。我下次有机会再嚟嘅话，应该会想试埋佢嘅卤肉饭🤣。
张贴
