阿善素食 (已結業)

经过一间斋铺，见到有好多人买斋嘅外卖，八卦望下，楼下外卖，楼上餐厅，生意好似几好，仲做埋台式饮品，有珍珠奶茶，＄15一杯价钱合理，即刻买杯试吓。因为知道台式饮品一般比较甜，所以特登叫咗少甜，奶茶方面味道冇问题，不过啲珍珠出事，珍珠好硬，好明显未煲淋，完全无弹性，饮珍珠奶茶啲珍珠先系主角，对杯饮品好失望，唔希望佢卖啲咁嘅嘢俾人，走返转头，同返个伙计讲，个伙计话唔出奇，因为今日系由另一个人煲，唔关佢事，不了了之。既然对自己食物嘅质素都唔重视，我都无佢办法，反正意见已经反映咗。