丸·茶手作 (已結業)

珍珠奶茶@佐敦丸茶手作有好多特别口味嘅珍珠，呢几支系桂花珍珠、芒果寒天蒟蒻珍珠、紫薯珍珠、黑芝麻珍珠、黑糖珍珠同樱花珍珠，无论系味道定颜色都可以 mix & match 一大轮 因为实在系太过眼花撩乱，结果都系拣咗呢啲推介嘅饮品，哈哈！试咗最左嘅首创桂花珍珠奶绿，同埋右二嘅黑糖珍珠撞奶～桂花珍珠奶绿成杯都有清甜桂花味，桂花珍珠半透明，可以见到入面嘅桂花 奶味都够，亦都有茶香。不过呢种珍珠就无黑糖珍珠咁甜，而且黑糖珍珠会 Q 啲。我就钟意 classic 嘅黑糖珍珠撞奶多啲，黑糖挂杯效果都唔错。虽然冰度同甜度系固定，但系好啱我口味，甜度啱啱好 我嘅饮法系唔摇就咁饮，咁样奶味会重啲，之后先再摇匀饮黑糖～我食饱咗先饮嘢，搞到饮得好慢，不过饮到最后啲珍珠仲系好有咬口！而且呢间啲黑糖珍珠唔会劲甜，我觉得好食啲。