360餐廳 (已結業)

今日晏就突然落起大雨，唯有系附近餐厅简简单单食餐晏。惟下午食饭时间都未坐满，唔知系咪因为暑假关系呢？Lunch menu 有七款选择，价钱都系46-48蚊之间，尚算合理。我叫左a餐，日本咖哩炸鱼柳珍珠米饭。咖哩偏甜，唔辣，不愧系日本咖哩，个样睇起上黎辣，事实上一啲都唔辣。入面有少少细粒红萝卜，汁嘅份量好多，够哂捞饭。炸鱼柳偏薄身，不过炸得好脆好香口，上碟热辣辣，好食！最令我惊喜系个珍珠米饭，虽然饭偏硬，不过捞咖哩汁啱啱好而且佢唔系白饭，入面混左少少香菇粒，令到个饭有淡淡嘅菇味。整体而言，价钱合理、份量足、米饭好食！都不失为lunch嘅一个好地方。