影片
更多
2019-01-11
236 浏览
今日约左成班老友去黄珍珍泰国菜馆聚旧！黄珍珍呢个名相信冇人会未听过，佢地0系九龙城已经历史悠久，听就听得多，但我都系第一次黎食佢地出左个新套餐 - 「泰爱泰珍味盛宴」，个名咁劲，一于试下啦！一席$2388 （原价$3288） 优惠做到1月23号咋！准备开餐 - 先黎柚子沙律柚子粒粒都好饱满，仲要好大梳！原来师父用左金柚拆成肉粒，每一啖都可以食到柚子既香、甜、酸，咬落去卜卜声咁好过瘾！配以鱼露、青柠汁、红葱头等，个汁好够酸，非常惹味醒胃！香辣海中霸伴青芒果丝师父用左泰国黎既「红宝石鱼」，非常之大条，肉厚而肥美！师父先将「红宝石鱼」炸过，但仍然保存到肉汁，肉质鲜嫩，再配以红葱头、香茅、指天椒，再加上削皮既青芒果丝一齐食，又酸又辣咁，味道好丰富！珍珍赞火焰烧鸡珍珍赞火焰烧鸡选料为「走地鸡」，上台时店员会在我地面前点火燃烧鸡只，阵阵香味即时释放出黎，真系流晒口水，急不及待要起筷喇！一咬落去，鸡件外层脆口，肉质非常嫩滑，而且肉汁丰富，再配以洋葱、三色椒、车厘茄、菠萝粒、鱼露而成既汁，又juicy 又醒胃，正呀！ M6级咖啡炒蟹师傅选用左M6级大肉蟹，上台时大家都哗然，好震撼，因为真系好大只！！蟹
佢地出左个新套餐 - 「泰爱泰珍味盛宴」，个名咁劲，一于试下啦！一席$2388 （原价$3288） 优惠做到1月23号咋！
准备开餐 - 先黎柚子沙律
柚子粒粒都好饱满，仲要好大梳！原来师父用左金柚拆成肉粒，每一啖都可以食到柚子既香、甜、酸，咬落去卜卜声咁好过瘾！配以鱼露、青柠汁、红葱头等，个汁好够酸，非常惹味醒胃！
香辣海中霸伴青芒果丝
师父用左泰国黎既「红宝石鱼」，非常之大条，肉厚而肥美！师父先将「红宝石鱼」炸过，但仍然保存到肉汁，肉质鲜嫩，再配以红葱头、香茅、指天椒，再加上削皮既青芒果丝一齐食，又酸又辣咁，味道好丰富！
珍珍赞火焰烧鸡
珍珍赞火焰烧鸡选料为「走地鸡」，上台时店员会在我地面前点火燃烧鸡只，阵阵香味即时释放出黎，真系流晒口水，急不及待要起筷喇！一咬落去，鸡件外层脆口，肉质非常嫩滑，而且肉汁丰富，再配以洋葱、三色椒、车厘茄、菠萝粒、鱼露而成既汁，又juicy 又醒胃，正呀！
M6级咖啡炒蟹
师傅选用左M6级大肉蟹，上台时大家都哗然，好震撼，因为真系好大只！！蟹肉真系好鲜甜，肉厚多肉，蟹味特出，绝对冇俾咖哩味遮盖！师傅仲加左少少辣椒去整，更加惹味！
讲到咖哩，呢个咖哩汁真系整得好好，味道刚好，少少辣，味道够浓，用黎配香脆法包，真系一绝！如果唔系要留肚食其他野，我谂我会狂点法包黎食！
酸辣海鲜汤
真系好足料，内有好多海鲜，数得出既有鱼、虾、蟹、青口、鱿鱼等等，而且样样都劲大件，劲呀！汤内仲加左香茅、南姜、金不换、红葱头等等，又酸又辣，唔止惹味，仲可以配埋啲海鲜一齐食，一品两食！
什锦串烧沙爹
什锦串烧沙爹共12串，有猪、鸡、牛三款，串串都好大件，重点梗系佢个秘汁啦，沙爹香味好浓，咬落去好juicy，好味呀！
马拉盏通菜
食泰国菜又点可以冇马拉盏通菜呢，呢个菜整得好翠绿又爽口，加入左秘装马拉盏调味，非常惹味！
原个菠萝炒饭
最后梗系要黎个主食啦！菠萝炒饭亦系泰国菜必食之选，原只菠萝份量十足，饭炒得粒粒分明饱满，内有虾、爉肠、鸡肉、腰果、大量肉松等，材料丰富，味道好有层次，同时食到虾既鲜味，鸡肉既鲜甜，菠萝既酸味，仲有青豆既清新，好食！
荔枝冰
粒粒荔枝都好大粒
甜品并盘
最后最后，仲有甜品并盘，当中既椰青糕最为特别，听店员讲，师傅系用左新鲜既椰青同椰水而成，果阵椰香味非常浓郁，而且特别清新，可以中和返之前既浓味及饱滞感！
除左椰青糕外，芒果糯米糍亦同样出色！师傅选用熟度好够既芒果，所以好甜，好香，皮又够薄，正！
今晚好好彩，撞岩有表演
第一次黎食黄珍珍，非常满意！唔止食物好食，服务亦非常好！而且地方够大，就算一大班人聚会都冇有怕，黄珍珍是个聚会好地方！
张贴
