影片
更多
2017-03-10
1646 浏览
有人食为咗裹腹，食得饱就算；进一个层次，就有人食为咗尝味，裹腹之余，感受食物嘅细致味道；再进多一个层次，就可能喺细赏、细听、细味嚟享受一餐饭。法国菜用料精，做法细腻，晌饮食界一向享负盛名；日本菜同样有著做菜一丝不茍嘅精神，卖相更喺一绝，当两者走在一起，产生嘅火花会喺点？今晚到访嘅Le Réve，绝对喺难忘嘅体验，因为，食材之珍、卖相之美同时共享。一出电梯，完全无柱位嘅用餐区，餐厅嘅环境就一覧无遗，而电梯出口对正就喺酒吧区，酒吧嘅后方印着店名，确定自己无嚟错。整个环境晌柔和嘅灯光下，加上聚焦灯嘅配合，衬上丝绒梳化椅，石制餐枱，以及餐厅近尾摆设嘅花艺，令到环境非常有气氛、有情调。当然，最欣赏喺啲聚焦灯所射向嘅位置，正正落在枱上，对相机先食嘅朋友好重要。厨房设晌餐厅尾，特色之处喺开放式，完全睇到厨师们做菜嘅情况，见得到佢哋嘅互动、专注同用心，不过为免骚扰佢哋做菜，只有远距离少少影张相作补充。室内以外，亦有室外悠闲嘅梳化位，藤椅+咕咪就喺悠闲嘅组合啰，而且，仲有张特大嘅秋千吊椅，天气凉凉哋坐晌度，摇吓摇吓，不知几爽。不过，晌得露天，就预咗喺俾啲客食烟，所以，趁无人时影两张相留个记录。除咗环境
一出电梯，完全无柱位嘅用餐区，餐厅嘅环境就一覧无遗，而电梯出口对正就喺酒吧区，酒吧嘅后方印着店名，确定自己无嚟错。
整个环境晌柔和嘅灯光下，加上聚焦灯嘅配合，衬上丝绒梳化椅，石制餐枱，以及餐厅近尾摆设嘅花艺，令到环境非常有气氛、有情调。当然，最欣赏喺啲聚焦灯所射向嘅位置，正正落在枱上，对相机先食嘅朋友好重要。
厨房设晌餐厅尾，特色之处喺开放式，完全睇到厨师们做菜嘅情况，见得到佢哋嘅互动、专注同用心，不过为免骚扰佢哋做菜，只有远距离少少影张相作补充。
室内以外，亦有室外悠闲嘅梳化位，藤椅+咕咪就喺悠闲嘅组合啰，而且，仲有张特大嘅秋千吊椅，天气凉凉哋坐晌度，摇吓摇吓，不知几爽。不过，晌得露天，就预咗喺俾啲客食烟，所以，趁无人时影两张相留个记录。
除咗环境睇到花心思之外，餐具亦喺值得留心嘅一环，盛菜嘅餐具唔讲住，一阵分享每道菜时就可以欣赏到。而一坐低，餐枱上嘅摆设，如枱中央嘅朴叶、雅致嘅蜡烛灯、面包碟嘅火山石、涂牛油用嘅木刀均引人注目，甚至连餐巾都卷得型格过人。
至于食物方面，像好多高级餐厅咁只有套餐供应，有人觉得会选择少，但亦有人觉得让厨师做得更专注，质素更稳定。套餐分为4道菜（$480）、6道菜（$780）及8道菜（$1,080）三个选择，主菜拣选鹿儿岛A5和牛西冷则需额外多付$280。
Amuse bouche食法国菜，晌餐前梗有个做得精巧、食你唔饱嘅开胃小品，佢又唔算前菜嚟，就好似上酒楼食中菜时，一坐低就摆低几小碟酸菜、花生咁，当然，法国菜就唔会咁简单啦，除精致，仲要好食。北海道吞拿鱼蓉，配少少洋葱粒，鲜爽清新，志在唤醒一下嘴巴。
Bread面包有小圆麦包（当然唔喺港式𠮶啲啦）及小法包，店员称喺自家制，拿上手热烘烘，前者麦香丰厚带点粗犷感，后者则外脆包心软绵，搽啲牛油已有种小满足。不过，最特色喺以布袋包实奉客，既保温，又别致，而且，摆晌一片日本朴叶之上，有份优雅美。
Beef tartar (6 / 8 courses)(Beet and chicken liver gel - Red onion gel - Cucumber sauce - Capers powder)
有无种窝蛋牛肉嘅感觉呢？店员上菜时介绍，牛肉他他用上日本和牛，初以为喺鹌鹑蛋嘅蛋黄，其实喺几款蛋打匀再以分子料理造型，此外，以一块米色大石板作盛器，白色喺青瓜柳做嘅粉末，并伴上3款酱汁：红菜头鸡肝酱、红洋葱酱及青瓜酱（左至右），卖相犹如一块调色板，非常美观。将牛肉他他跟「分子」鸡蛋调匀，入口有份好滑溜嘅口感，肉嘅「生」鲜感尽出，几款酱配牛肉他他食，个人就较喜欢青瓜酱嘅清爽感。
Beef tartar
17 浏览
0 赞好
0 留言
Foie gras (6 courses)(Foie gras terrine - Reduction from white wine vinegar - Apple and fig confit)
鹅肝喺法国菜嘅代表性食物，相信无乜人质疑，晌好多法式套餐，颇多时候喺以煎鹅肝为主导。而用上鹅肝酱，落晌Le Rêve嘅手，又会变成点？盛载鹅肝酱嘅大石盘无想像中咁重，但鹅肝酱、无花果肉、苹果干、苹果粒、红姜丝拼埋一齐，卖相立体，犹如一件艺术雕塑；鹅肝酱拼少少无花果肉或苹果粒，丰腻中有份甜，鹅肝酱拼少少红姜丝，浓香中有份微辣，化学效果更强，可谓味道纷陈。
Foie gras
33 浏览
0 赞好
0 留言
Langoustine (8 courses)(Silver trail - Coconut - Melon and shellfish gel - Wasabi ice-cream - Sliver powder)
将海螯虾做成刺身，再以火枪轻轻一辣，入口鲜甜爽口，但又有一层轻轻嘅焦香，非常精彩，不过，讲到惊喜就唔及啲日式芥末雪糕，柔滑到不得了，但𠮶朕芥末味却喺若隐若现咁，十分过瘾。雪糕底下仲有啲好似平时食中华沙律嘅日本海藻咁，爽爽哋，但色泽深好多，就喺啲蜜瓜跟贝类做成嘅啫喱条。
Langoustine
20 浏览
0 赞好
0 留言
Sea Cucumber (8 courses)(White peach – Grapefruit - Smoked tomato shellfish pond - Porcini pure)
属8道菜嘅菜式，海参依样食材，晌西菜比较少用，但食惯中菜嘅港人就绝不陌生。贯彻如一，卖相永远有亮点，伴以几款酱汁：白桃酱、西柚酱、芥末……而海参本身无乜味，所以，大厨就以烟熏蕃茄酱衬托，海参非常软腍柔绵，沾上唔同嘅酱汁，都有唔同嘅感觉。此外，伴碟一片薄薄揾牛肝菌做嘅脆片，跟食紫菜有点相似。
Sea Cucumber
17 浏览
0 赞好
0 留言
Lobster (6 / 8 courses)(Celery cube - Grapefruit crystal - Shellfish veloutee)
龙虾净肉上就梗喺食得方便称心啦，虾肉十分爽弹，蘸一蘸龙虾泡沫故然令虾味更上一层楼，味道更浓郁；然而，伴以西芹啫喱粒及西柚水晶，透过龙虾嘅余温溶一溶，一齐放入口令龙虾嘅鲜味更突出，好精彩嘅一道龙虾菜式。
Lobster
12 浏览
1 赞好
0 留言
Amadai (6 / 8 courses)(Mussels’ sauce - Baby veggies)
金目鲷喺几高级嘅日本鱼产食材，用上法式手法处理，效果会点？先以大大只日式瓷碗盛载，个碗仲好热添，鱼肉入口细致嫩滑，鱼味浓、油脂丰，其次，专登淋上滚油让鱼皮有炸嘅效果，喺一个精彩位，咬落卜卜声，脆得交关；再配一个法式青口汁，可谓有画龙点睛之效。
Amadai
27 浏览
0 赞好
0 留言
A5 Kagoshima wagyu sirloin (+$280) (6 courses)(Beef in Mirin - Cucumber sunomono - Ox tongue puree - Japanese saffron)
鹿儿岛和牛西冷要上七乘熟，放晌甚富东瀛味嘅陶瓷红碟，非常吸晴。本来伴菜有日本青瓜，但货源问题改为红菜头，一样啱心水，而酱汁用咗甚少试到嘅牛脷酱，味道比较浓，亦衬到啲和牛，再加少少日本蕃红花做装饰。和牛以味醂腌过，煎过后仲有微微酒香，虽然七乘熟，但质感依然嫩滑，油脂丰厚而平均，入口满口油香。
A5 Kagoshima wagyu sirloin
16 浏览
0 赞好
0 留言
Prime short rib (8 course)(Ratatouille - Salsa verde)
比较起两个「主菜」，我就觉得我拣嘅小牛排好食啲，小弟食得几生吓，五乘熟喺我嘅心水生熟度，睇见啲肉色鲜润嫩红，却一点血水都无渗出嚟，就知大厨嘅经验同手势几了得。落刀已感受到啲肉质几咁柔嫩，入口唔止软腍，肉味浓郁，外层烧得脆口，实在一流。伴菜有少少炖杂菜，用嚟平衡一吓啲肉，而酱汁选择青酱，香草味浓，配浓味嘅肉亦喺相衬。
Prime short rib
18 浏览
0 赞好
0 留言
Snow white (6 course)(Citrus gel - Lime sorbet - Lemon meringue - White chocolate powder)
6道菜嘅晚餐就只有一款甜点，就喺依一道「白雪」，店员介绍时，话大厨嚟自德国，知道香港喺无雪落嘅地方，就设计出依一款甜点，以白朱古力球、青柠雪葩、橙味啫喱、柠檬蛋白饼及白朱古力粉末组合而成，更刻意用咗米白色嘅瓦碟，外观颇有意景。雪葩爽酸，正好中和下白朱古力嘅甜，而柠檬蛋白饼非常有惊喜，清新得嚟好松脆，橙味啫喱淡淡橙香，整体让人有唔同味感、唔同口感嘅体验。
Snow white
18 浏览
0 赞好
0 留言
The devil (8 course)(Chocolate ganache - Beetroot sorbet - Mint crumble - Amaretto caviar)
至于8道菜嘅晚餐则有两款甜点，绝对满足到嗜甜嘅朋友，先上场喺名为「魔鬼」嘅作品，单睇餐牌所列出嘅成份组合，已经喺魔鬼诱惑。主体喺沾满红莓干粒粒嘅朱古力魔鬼棒及红菜头雪葩，前者酸香嘅莓干下，弹出浓郁嘅黑朱古力甘苦味；后者似雪糕多过似雪葩，但红菜头味好突出，雪葩上嘅「鱼籽」，喺分子料理所做嘅杏仁酒珠珠，酒味都几浓烈，唔止点缀咁简单，不过，薄荷金宝就无做到出嚟，改咗一抹朱古力酱垫底。
The devil
12 浏览
0 赞好
0 留言
Glamour (8 course)(White chocolate - Sphere from berries in Porto)
是夜最后一道菜「魅力」，绝对可以用精彩到尾嚟形容，睇落比起对上两款甜点好似无咁多花臣嘢，但制作仍然咁细致用心，放少少金箔令个卖相高贵好多。下层嘅白朱古奶冻，做得圆滑，入口香甜顺滑，而且香味自然，反一反底见到密密麻嘅云呢嗱籽，就明白究竟；上面枣红色嘅杂莓球，喺以分子料理做成，轻轻一笃外衣，鲜活嘅杂莓浆即时涌流而出，伴奶冻一齐食，无可挑剔啰。
Glamour
24 浏览
0 赞好
0 留言
Coffee餐饮就点杯热咖啡嚟叹吓，今次无特别要求，只喺要杯即磨咖啡就可以喇。不过，套咖啡杯睇落喺上等货，线条幼细，糖罂亦好别致，牛奶都加热过，可讲喺服务务求做到足。
Mignardises法国菜食到尾，会有啲法式小甜点俾客人伴咖啡或热茶，有时会叫Petits fours，有时会叫Mignardises，不过今次就无「Fours」喇，两款甜点喺日本代表嘅麻糬及法国代表嘅金砖小蛋糕（Financier），每件做到一小口呎吋，麻糬烟韧沾满黄豆粉，小蛋糕口感湿润有杏仁香，最好喺两者都少甜可口。
Le Réve解作「梦想」，依间餐厅嘅诞生，唔知喺唔喺为店主完梦呢？晌度用餐，真喺无论食材用料、菜式配搭、卖相构想、创意心思、厨艺功夫、服务水准都叫人难忘。遇着特别嘅纪念日，好值得嚟好好享受一餐咁有特色嘅法日晚宴。
张贴
