FLIPPER'S (已結業)

星期三放工六点三去到等位，等咗大约半个钟就可以入座。坐定定拣完就可以行去落单。由于大食怪怕一份pancake唔够饱，于是叫多一个夏威夷pizza。夏威夷pizza上菠萝带有少少香味，菠萝的微酸香甜中和pizza上嘅芝士味道，但咀嚼时芝士烟韧，带出淡淡芝士味。榛子朱古力焦糖香蕉班戟终于嚟啦!Flipper’s梳乎厘班戟比想像中好食，其他店舖多数都系好似蛋白泡一样，入口好快就溶，而且会冇咩味道。但Flipper’s嘅pancake就有淡淡蛋香味，食落口唔会好似咩都冇食过，配上烤得脆脆榛子粒、焦糖香蕉同cream一齐食，令人一啖接一啖，好快就食完。