海灣茶居

营业中

休息中

姑妈搬咗去大角咀港湾豪庭，今日叫咗我过去帮手做嘢，晚上请我落商场食饭，商场都有好多食肆，姑妈唯独喜欢去海湾茶居，佢话每日早上我会落嚟饮茶，佢哋嘅食物质素好好㖞！咁我真系要试吓啦！茶居装修都有特色，挂墙啲饰物都好精美。酱皇猪手煲配白饭及是日例汤，今日系莲藕汤，够火喉又清甜。猪手好入味，吃起来肉质软腍，肥瘦均衡，味觉层次更丰富，酱底浓郁惹味。还有娃娃菜垫底，娃娃菜吸收咗酱汁，林甜好惹味！送嘅餐汤亦好足料又清甜。家乡炒银针粉配柠檬茶，银针粉炒得又香又够镬气，配料亦丰富，有叉烧、芽菜、青椒等，银针粉爽滑，配料够味又有口感，每口都滋味无穷。凡惠顾晚市小菜套餐或滋味独享，可用优惠价无限加购指定食品$8香草绿豆沙，绿豆沙够多绿豆，而且煮得够耐起到沙，有少少香草味，又唔会好甜。$10大良姜汁双皮奶，奶味浓郁，香滑可口。$25-大排档煎酿茄子，茄汁酿咗鲮鱼肉，加咗个浓郁惹味嘅酱汁，十分美味。