麻辣年華 (楊屋道)

营业中

休息中

最近去左荃湾嘅麻辣年华，试左麻辣青春二人餐，真系物超所值！餐厅风格有一种现代感，霓虹灯嘅装饰好新潮。整个用餐空间好宽敞，坐得好舒服。冰镇滕椒鱼皮鱼皮薄脆，搭上微辣嘅滕州辣椒同酸醋，真系开胃又醒神。金汤海鲜烤鱼（江团鱼）一滚即食，肉质滑嫩，但鱼肉略嫌带点草青味。虾同鲍鱼都好新鲜、弹牙。配菜亦好丰富，有洋葱、薯仔片、娃娃菜、豆卜、金菇、酸菜，配上个麻辣汁真系好惹味。烤串（羊肉串、牛肉串、烧汁鸡串、鱿鱼串、烧生蚝）生蚝好肥美新鲜，烧得恰到好处，蒜蓉酱汁调校得啱啱好。羊肉、牛肉串都有好重嘅孜然味，肉质不柴不腻。鱿鱼口感Q弹牙，不过就唔系好够味。鸡串接近日式烧汁个种，味道偏甜。金银蒜小龙虾呢个真系重口味之选，小龙虾肉质都算弹牙，酱汁偏咸，但蒜味突出。至尊水果茶水果茶真系好慷慨，满满嘅水果，苹果、橙、西柚、百香果、蓝莓、西瓜，每一款都系新鲜切出嚟，仲保持到佢原有嘅水果甜。饮品好清新，非常适合解辣。西瓜啵啵冰个底系益力多加梳打水，酸酸甜甜，加上西瓜切件，好清凉解渴。整体来讲，麻辣年华真系抵食。服务态度都好好，店员间唔中就会问你使唔使加汤、帮你执嘢，成个用餐体验都令人觉得好满足。