回家湘

营业中

休息中

见广告介绍佐敦开咗间新嘅湘菜叫回家湘，广告写住向预制菜say no，向机器手say no，哈哈，好似几得意咁就去试下啦。小店由国内人开业，店员全部讲国语，感觉好正宗㖞。店员好快送上落餐纸同热茶，枱面亦有qr code可用wechat落单。⭐干锅酸菜肥肠先来盘干锅肥肠，由小火炉控热，辣椒爽口微辣，肥肠真系几肥，咬落烟韧甘香，仲有唔少酸菜，酸酸辣辣十分开胃🤤⭐鲜炒黄牛肉第二度上嘅系鲜炒黄牛肉，近乎一枱都有叫呢味𩠌。牛肉嫩滑肉味十足，牛脂甘香，加上爆香嘅蒜头，真系超好味，净系呢样都可以食几碗饭啦😋⭐剁椒小芋头最后上嘅系小芋头，虽然有辣椒但其实唔辣嘅，咸咸地有麻油香，小芋头软软糯糯，好好味🤤⭐银丝卷朋友话主食叫个银丝卷试下，呢度啲银丝卷同平时上海舖食开嘅唔一样，细细个一丝丝，几可爱㖞😍入口香甜松软，好食。⭐五常米饭无饭落肚始终唔习惯，朋友最后都叫咗一碗五常米饭，有饭香，但个人觉得偏淋咗啲。小店有茶位费，而纸巾如果无用过可退返钱，唔使收加一，价钱都几抵食㖞。