Lockeroom Dining (朗晴坊) (已結業)

球迷必到，又可以打卡又可以开餐！跟着朋友的步伐来的，估唔到呢度环境几好，除咗布置到阿仙奴主场一样，仲有靓靓鸟笼打卡位！嘢食仲好OK添！澳洲草饲牛柳蒜香意大利扁面😋😋😋😋😋呢款澳洲草饲牛柳有惊喜！分量唔算好多，但系烹调出来好好味，尽显师傅功力！始终澳洲草饲牛柳唔算系好高级嘅食材，但系吃起来竟然入口鲜嫩如少女肌肤，仲keep到满满嘅肉汁。扁面口感偏挺身，带少少蒜香味，配搭洋葱和香菇味道都好夹！香烤澳洲羊架拼德国肠😋😋😋😋😋一上枱已经闻到阵阵独特嘅羊肉香味，厚切羊架外型非常吸引！size咁大本来都担心食起嚟啲肉会好老，点知食落软绵绵好似棉花咁柔软，少少BB膻味道啱啱好，配左自家酱汁食起嚟口感仲特别Juice！配埋我最钟意食嘅德国脆皮肠、加埋饱肚清甜南瓜蓉和健康羽衣甘蓝🥬呢个dinner超满意！呢度主打set dinner 全部都包特色沙律菜、精致餐汤、仲有个有local嘅蒜蓉烘包同埋饮品，好味又抵食！