影片
更多
2018-10-16
1163 浏览
新北江楼下依间铺头无几耐前转左手，餐单都转埋，所以想去试下，顺便都叫支持下新开既小店，点知非常有惊喜！首先，依间铺头系用《即叫叫整》既造法，任何食品即刻整出黎，热辣辣咁食，一定两三倍好食，特别系薯条同汉堡，虽然要等15分钟左右都非常值得。其次，铺头采用非开放式既厨房，所以可以透过玻璃睇到厨师做紧咩，我就睇到厨师带住手套打汉堡饼，所以好肯定唔系出面买一块块肉饼直接煎，重有即刻整炸鸡块同薯条，非常卫生又有诚意。1）手打汉堡（$30）系张相果到睇到，无论系纸盒，张包纸或者竹签，铺头想提供一个美式既感觉比食客。而讲汉堡既馅料，上层既面饱涂有千岛酱，然后顺序有青瓜，蕃茄，洋葱，芝士，牛肉汉堡，生菜丝，下层既面饱就有沙律酱。虽然睇张图可能会觉得块汉堡好似好细块，但系我见到厨师每块汉堡都有用磅秤重，而且佢块汉堡系非常厚身，有三四块面包皮叠埋咁厚。而味道黎讲都相当唔错，一啖咬落去，所有既配料都好夹，互相配合，唔会话抢左牛肉既味道，而且牛肉系呈现粉嫩色而且好Juciy，食晒成个饱都唔会觉得好腻，会令人想再Encore一次！一个字：正！完全超出左30$既价钱比到你既野！不过，都有少少失分既地方就系牛味略嫌
首先，依间铺头系用《即叫叫整》既造法，任何食品即刻整出黎，热辣辣咁食，一定两三倍好食，特别系薯条同汉堡，虽然要等15分钟左右都非常值得。
其次，铺头采用非开放式既厨房，所以可以透过玻璃睇到厨师做紧咩，我就睇到厨师带住手套打汉堡饼，所以好肯定唔系出面买一块块肉饼直接煎，重有即刻整炸鸡块同薯条，非常卫生又有诚意。
1）手打汉堡（$30）
系张相果到睇到，无论系纸盒，张包纸或者竹签，铺头想提供一个美式既感觉比食客。而讲汉堡既馅料，上层既面饱涂有千岛酱，然后顺序有青瓜，蕃茄，洋葱，芝士，牛肉汉堡，生菜丝，下层既面饱就有沙律酱。
虽然睇张图可能会觉得块汉堡好似好细块，但系我见到厨师每块汉堡都有用磅秤重，而且佢块汉堡系非常厚身，有三四块面包皮叠埋咁厚。
而味道黎讲都相当唔错，一啖咬落去，所有既配料都好夹，互相配合，唔会话抢左牛肉既味道，而且牛肉系呈现粉嫩色而且好Juciy，食晒成个饱都唔会觉得好腻，会令人想再Encore一次！一个字：正！完全超出左30$既价钱比到你既野！
不过，都有少少失分既地方就系牛味略嫌淡左少少，而且汉堡肉排可以薄D但阔D，唔系最后会出现有饱无肉既情况，同埋好紧要既系：包皮可以烘个底，一黎佢D肉汁同酱汁唔会好快整冧左个包；二黎食落去更加有烧烤果种焦香味黎。
手打汉堡
$30
70 浏览
0 赞好
0 留言
2）肉酱热狗（$28）
非常之好味，好味到我觉得铺头可以由「汉堡佬」改名做「热狗佬」！成条热狗有18CM咁长，而且肉酱多到可以连条肠都唔见埋！而肉酱个味系偏甜，非常浓稠，而且食到一粒粒洋葱同蕃茄，可以话系：无何挑剔之选！！！
肉酱热狗
63 浏览
0 赞好
0 留言
3）薯条+汽水（+10$转餐）
无野食系可以比得上即刻炸出黎既薯条🍟！铺头提供：芝士，紫菜，蜂蜜芥末同蒜味。唔似麦记果种幼而空心既薯条，铺头系用粗而实心既薯条，所以食落去好实在，而且我选择既蜂蜜芥末酱汁都非常惹味，酸酸甜甜，好岩开胃，份量非常足够，铺头重好贴心比签你食，可以唔驶整污糟只手。加10$的话，一定要转餐！净系薯条都值回票价！
薯条
61 浏览
0 赞好
0 留言
整体黎讲，10分内面我会比佢有9分，瑕不掩瑜！而且40$可以买到比麦记更好食既餐，重要无化学野，非常值得大家支持依间新北江小店！
张贴
