樓下冰室

营业中

休息中

今日去油塘揾朋友做gym，做完gym食好西系基本，本身想带佢去中环soho食靓野，点知佢搭多两个站都嫌远，所以我就近近地带佢黎食个冰室。抵食，平得黎又好味、大份。呢间系鲗鱼涌既楼下冰室，一出站就见到，无得再嫌远啦挂！呢到主打蕃茄汤底同瑞士鸡脾，亦都有其他冰室特色食物。唔讲咁多先上个瑞士汁大鸡脾，见到都流晒口水，瑞汁劲入味，鸡脾一啲都唔老，好嫩滑，个汁都调得好好，唔太甜太咸。咖喱鸡饭都好高质，望落去咖喱系起晒沙，椰汁味浓，亦唔会好稀好水，食落好滋味。炸鸡翼味道都唔错，炸得好香脆，不过我觉得有少少dry，如果有啲酱汁软化下就更好啦！炸鸡粒唔会好厚粉，食落啲鸡粒都唔硬，入面都keep到嫩滑多汁，抵赞！肉酱芝士焗薯角，一放低已经劲香肉酱味，肉酱够晒咸好出色，但美中不足就系啲薯角太大旧同唔系同肉酱好match，不太入味，食落好大旧淀粉味。呢两杯特饮真系无得输！椰汁绿豆冰劲重椰汁，而且绿豆系用绿豆蓉而唔系绿豆粒，饮落去好match，唔会变左要咬一粒粒硬绿豆，非常细心抵赞！另外系菠萝冰，饮落劲fresh，个人都精神返晒，入面啲菠萝片都好鲜甜，最后食到一片菠萝都无晒！