樓下冰室 (已結業)

表妹放紧暑假，趁仲未开学，今日揾我行街食饭，经过路德围，表妹话未食过呢间冰室，我同佢讲我食过瑞士鸡翼好正，表妹即刻好开心话要试下。我点咗一碟滑蛋叉烧饭，大大碟，好多蛋同叉烧，舖满成碟饭，叉烧系半肥瘦的，好食。表妹要了焗芝士肉酱意粉，因为系即叫即整，要等廿分钟都无所谓。呢份意粉亦系好大碟，热辣辣，好多蕃茄芝士，想唔好食都几难。见到隔离差不多每枱都有叫瑞士鸡翼，我哋都唔执输，啲鸡翼都几大只，腌得好入味，保持水准。饮品要咗阿华田脆脆同菠萝冰，阿华田上面嘅脆脆真系好脆，菠萝冰嘅菠萝系新鲜菠萝嚟㗎，一边食一边饮，爽！我哋两个食到好饱，埋单找数都系佰零蚊，表妹话好抵㖞，咁我又觉得真系好过去快餐店多多声啰！