樓下冰室 (已結業)

今日听到朋友介绍，就决定去左楼下冰室食晚餐。仲以为系茶餐厅，入到去间餐厅既装修都几特别，好新同好干净，最重要系冷气够冻，好舒适。睇到餐牌，好多野食呀。叫左佢个金牌咖喱牛腩饭黎食。一上菜，好大碟，岩晒我食。大大碟既饭同成碗都系肉既咖喱牛腩。好丰富呀。咖喱好重八角味，牛腩好香同软，沟埋咖喱既浓味，几特别。之后叫左个瑞士鸡腿，重点黎啦，朋友都介绍我一定要食。呢只鸡腿真系好大只，一入口，好浓既瑞士汁同鸡肉已经融为一体，好好味。鸡肉既肉质香滑，唔会老，我谂应该系用慢火慢慢煮个鸡腿，个鸡肉先会咁入味，而且仲好滑。其实食完个鸡腿已经好饱，因为鸡腿都几大只，同埋个牛腩饭份量都好多。最后叫做个绿椰冰黎饮。好有夏天既感觉，椰汁入边仲有好多绿豆蓉，好甜好好味，椰汁好香椰奶味，好有东南亚feel呀！而且跟餐饮只需要11蚊炸。今日真系食得超级饱，下次再黎试下其他野啦！