文輝墨魚丸大王

营业中

休息中

无论系门面装修定话系店里面嘅格局，文辉墨鱼丸大王都系一间典型嘅港式面舖，入到去真系好有地道风味。但其实唔单止系舖头嘅外表，就连员工嘅工作方式都极之传统，猴子帮衬当日就亲眼目睹一项差啲失传嘅奇技。猴子眼见佢哋员工落单𠮶阵系唔会有落单纸写低客人要乜，亦唔会有银码单写畀客人，佢哋会直接嗌入厨房，而员工又会记得边个客人点过啲乜嘢食，然后将食品送到客人面前。埋单𠮶阵，员工只需要望望你食过啲乜，然后直接嗌收银员收几多钱，成个运作过程系唔需要任何纸张，可以话系环保嘅先锋达人。讲返正题，猴子今日试咗佢哋嘅紫菜四宝粉。河粉系几滑溜，加埋紫菜更加一流，而鱼皮饺、鱼蛋同墨鱼丸等都系几港式嘅传统鱼蛋粉味道，而且份量都唔少，肚饿去就最啱。