影片
更多
2020-10-26
566 浏览
呢日同同事出旺角食饭，之前经过「长阪烧」楼下见到二拉架介绍有特价寿司，好似好抵食，所以就决定去试下。餐厅要坐䢂去二楼，一出䢂𠮶下吓亲😳，因为环境非常好！首先餐厅面积几大，坐位唔少，右边系窗口卡位座，好似包箱咁；中间就有吧枱位，虽然望唔到师傅整嘢，但气氛气派一流，又坐得阔落👍。一坐低无耐店员就为我哋送上热茶🍵及餐牌，午市套餐选择丰富，有熟食同刺身丼饭等，免收加一服务费！另外，餐厅仲有一个特价餐牌，每日12点至18点嗌指定食物可享半价优惠🔥。我哋大家都想食鱼生，所以无嗌熟食，嗌咗一份午餐同散叫寿司小食。留意番呢度嘅寿司饭应该系落咗赤醋🍚，所以呈啡啡哋色，味道偏酸少少，我自己就几欢喜。午市套餐奉送面豉汤、是日小食同和风沙律，全部卖相都靓靓仔仔☺️；是日小食系麻酱豆腐。长板烧三重奏($158)，依份丼饭餐不得了，造型劲吸引😍。三个迷你丼饭铺面嘅刺身劲澎湃，而且三杯嘅款式各有唔同。第一款系葱粒吞拿鱼蓉；第二款嘅三式刺身包括带子、三文鱼同油甘鱼，三样都系厚切兼大块，好足料。三个迷你丼饭加埋嘅饭量同𩠌量一啲都唔少！而我个人最钟意嘅就系海胆并三文鱼子，三文鱼子大大粒，一咬开爆哂浆，每啖嘅口感都好正好满足
首先餐厅面积几大，坐位唔少，右边系窗口卡位座，好似包箱咁；中间就有吧枱位，虽然望唔到师傅整嘢，但气氛气派一流，又坐得阔落👍。
一坐低无耐店员就为我哋送上热茶🍵及餐牌，午市套餐选择丰富，有熟食同刺身丼饭等，免收加一服务费！另外，餐厅仲有一个特价餐牌，每日12点至18点嗌指定食物可享半价优惠🔥。
我哋大家都想食鱼生，所以无嗌熟食，嗌咗一份午餐同散叫寿司小食。留意番呢度嘅寿司饭应该系落咗赤醋🍚，所以呈啡啡哋色，味道偏酸少少，我自己就几欢喜。
午市套餐奉送面豉汤、是日小食同和风沙律，全部卖相都靓靓仔仔☺️；是日小食系麻酱豆腐。
长板烧三重奏
$158
26 浏览
0 赞好
0 留言
而我个人最钟意嘅就系海胆并三文鱼子，三文鱼子大大粒，一咬开爆哂浆，每啖嘅口感都好正好满足😋！配合埋海胆食无论视觉定味觉都系咁享受。
我哋另外仲嗌咗五款寿司🍣，(图上左至右下)包括一件蓝鮨拖罗($32)、两件剑鱼腩($18)、两件油甘鱼($22)、两件蒲烧鳗鱼($28)同两件日本芝士蟹棒($22)。整体味道唔错，比较有惊喜嘅系剑鱼腩，口感几爽口；蟹棒嘅芝士亦都烧得香口。
葱粒吞拿鱼蓉小卷($18)，🍙小卷其实不太小哈哈。紫菜包住呑拿鱼蓉食好夹，但如果块紫菜脆啲会更佳。
蚬肉面豉汤
$22
12 浏览
0 赞好
0 留言
茶碗蒸($18)，蒸蛋味道就正正常常啦🥚，馅料有冬菇、鸡肉同虾。
由于我哋食午餐所以无嗌到酒，但眼见住大大瓶嘅梅酒好吸引，超级想饮🍶！
总括嚟讲，长板烧确系几高质，食物味道中上，不过环境就比好多厨师发办店更靓、更舒服✨。店员们服务亦都优秀，全部醒醒目目，提供嘅协助到位。再者，呢度嘅性价比相当高，连锁店嘅价钱，但成个体验完全唔同，值得一试🎌。
张贴
