阿元來了 (鴻圖道)

营业中

休息中

呢排嘅人气台湾美食店一定非阿元来了莫属！因为我地足足排左一个钟先有得食!不过就算等耐D都值得嘅，因为佢嘅装饰布置都好靓，有暖暖车站、夜市档摊同埋个大戏院，加上播住D台湾歌，真系令人一解对台湾嘅思念。系排队嘅时候，侍应已送上点餐纸，等我地等紧嘅时候可以消磨下时间。排左60分钟终于到我地，等左咁耐，我地紧系叫多D啦。盐酥鸡嘅份量偏少，不过都好香，表皮好脆，鸡肉嫩滑多汁，唔错！综合甜不辣是友人叫的，真系有好多款，好抵食，而且味道也跟在台湾吃的差不多，不过D汁嘅酸甜味无咁重。炸花枝丸食落唔油腻，入面嘅花枝丸好弹牙，表面已有盐调味，但不会过咸。因为我好中意食菇，所以叫左个香菇羮汤饭，其实都唔可以叫汤饭，因为D羮好杰，似烩饭多D。不过味道好唔错，酸酸地好开胃，除左香菇，入面仲有大大粒花枝丸，食起黎口感丰富。最后当然要食我最中意嘅芋圆，不过唔知系咪加左百合，个糖水微苦，虽然芋圆烟韧，但对嗜甜的我来说总是差了一点点。总括黎讲，个环境同气氛一流，而且食物价钱唔算贵，如果唔怕等嘅可以一试。