稻埕飯店 (V Point) (已結業)

源自台湾嘅「稻埕饭店」暂在尖沙咀K11艺术馆及铜锣湾V Point地库设有分店，装潢时尚新颖，除各式台湾菜/卤水菜式外，仲有唔少特色鸡尾酒，感觉都几Chill气球小女孩 Balloon Girl（$108）：以鲜西柚、柠檬、乌龙茶及Gin所调制嘅一款鸡尾酒，茶味唔浓，反而果味几香，几Fruity，Gin酒味道适中，唔会太浓烈，几好饮。白卤水九孔鲍鱼（$238）：鲍鱼爽滑弹牙，早已预先切件，能一口一件，卤水鲜香入味。金不换干贝螺头炖鸡汤（$68）：天气寒冷饮盅炖汤的确暖胃，炖汤足料，感觉系纯天然嘅鲜甜美味，非常高质。卤水狮头鹅（$368/半只）：半只鹅均已起骨，全是鹅片，啖啖肉食起上黎非常方便。鹅片香滑，肉质细嫩，食起上黎肉汁丰富，卤水味道较淡，反而鹅味更香。不够。臭豆腐（$82）：臭豆腐香脆可口，蘸酱食几惹味，但唔会好似街边果啲咁一阵好浓烈嘅味道。黑糖珍珠舒芺蕾班戟配抹茶冰淇淋（$108）：呢个应该系店方嘅招牌甜品，班戟松软，内里夹著香滑忌廉，牛油奶香非常丰富，质感一流，连夹心都有唔少黑糖珍珠，但整体唔会太甜，非常出色。