GREEN

今日经过尖东，想找一个环境好的地方跟朋友好好倾偈，之前在这个餐厅食个晚餐，感觉非常良好，所以今日特登过嚟就拣呢间餐厅进食，餐厅位于酒店入边，楼底好高，装修都唔错，而且空间感很宽阔，环境很好！但始终餐厅都讲求食物质素，所以讲返啲食物先！中午来到，呢度有提供午餐套餐，有三个course同埋四个course选择，最后拣咗四个course！首先讲吓啲面包，正正常常，感觉上唔系自己做，应该系攞返嚟！前菜方面我就拣咗烟三文鱼，呢个总算唔错，因为烟三文鱼都已经腌好咗，配埋牛油果，整体都好夹！前菜绝对可以，同朋友一样钟意食牛肉，大家都拣咗阿根廷西冷嫩裙边，虽然嫩裙边，但系我觉得好韧，而且好多筋膜，呢个我就觉得麻麻哋！另外甜品方面，都系正正常常！我觉得浪费咗咁好嘅环境，希望餐厅食物品质，咁就更加多回头客啦！