大小姐冰室

营业中

休息中

大小姐冰室位置非常方便，就喺炮台山地铁站对面👍🏻环境比普通茶餐厅干净整齐，卡位都几阔落，但座位都有好多🪑晚菜选择都有好多唔同小菜选择，奉送白饭及是日例汤，仲配饮品！🔸惹味单骨鸡翼炸得好香脆，外脆内嫩，调味适中，有啲似避风塘风味🤤🔸䜴汁蒸黄立仓仓鱼大条又唔腥，因为即叫即蒸，都要等一等。食落油香鲜甜，又冇咩骨，好食！白饭干身，粒粒分明，配上豉汁黄立仓嘅香葱豆豉同豉油，真系停唔到好。🔸+$10升级炖汤大家一定要加10蚊升级，卖晒就冇！老火炖汤非常足料，汤头顺喉无味精。浓香黑蒜，配上鲜鸡瘦肉，正！🔸青柠梳打爆柠嘅味道，一饮透心凉🔸华田爆龙脆脆华田控一定要试！劲重华田味，加上脆脆，口感好神奇