影片
更多
2014-07-21
14748 浏览
星期六去行东涌, 我地一早已订了酒店食dinner buffet, 好耐冇食过酒店buffet了, 所以呢晚系好期待~我地6:30pm入场坐低, 环境优美, 我俩已急不及待即去夹野食, 印象唔错兼好味既食物如下:所有沙律是王道 - essence有成十几款沙律. 每次放4-6款出来, 咸牛肉暮仔沙律啲薯仔软硬适中, 咸肉粒又厚又浓味配薯仔一流; 芦荀野菌沙律又系十分美味, 用橄榄油捞落啲蔬菜度更显光泽及可口; 黑芝麻豆腐沙律啲豆腐好入味同脆口, 沙律只有豆腐感觉都唔错~~剌身都ok, 大量三文鱼, 烟三文鱼, 其他白肉鱼都源源不绝咁供应, 我最爱的鲍片很美味, 可大口咁食真系过瘾~~白汁芝士焗薯粒 - 同沙律一样, 啲薯仔粒焗既时间岩岩好, 半熔既芝士配入哂白汁芝士味既薯仔口感一流, 真心食左3次, 好正~~韩式烩猪柳 - 酱汁好惹味同醒胃, 猪柳炆得好入味, 酱汁中食得出有泡菜独有的辣味, 呢个菜式不失有深度~羊肉杂菜汤 - 好饮! 唔系加牛而加羊肉及羊骨酥香可口(当然唔食羊既朋友系唔会钟意此汤的)~自助任配order烩意粉 - 我地只试左茄汁杂菜烩螺丝粉, 茄汁超多/浓, 螺丝粉弹
星期六去行东涌, 我地一早已订了酒店食dinner buffet, 好耐冇食过酒店buffet了, 所以呢晚系好期待~我地6:30pm入场坐低, 环境优美, 我俩已急不及待即去夹野食, 印象唔错兼好味既食物如下:
所有沙律是王道 - essence有成十几款沙律. 每次放4-6款出来, 咸牛肉暮仔沙律啲薯仔软硬适中, 咸肉粒又厚又浓味配薯仔一流; 芦荀野菌沙律又系十分美味, 用橄榄油捞落啲蔬菜度更显光泽及可口; 黑芝麻豆腐沙律啲豆腐好入味同脆口, 沙律只有豆腐感觉都唔错~~
剌身都ok, 大量三文鱼, 烟三文鱼, 其他白肉鱼都源源不绝咁供应, 我最爱的鲍片很美味, 可大口咁食真系过瘾~~
白汁芝士焗薯粒 - 同沙律一样, 啲薯仔粒焗既时间岩岩好, 半熔既芝士配入哂白汁芝士味既薯仔口感一流, 真心食左3次, 好正~~
韩式烩猪柳 - 酱汁好惹味同醒胃, 猪柳炆得好入味, 酱汁中食得出有泡菜独有的辣味, 呢个菜式不失有深度~
羊肉杂菜汤 - 好饮! 唔系加牛而加羊肉及羊骨酥香可口(当然唔食羊既朋友系唔会钟意此汤的)~
自助任配order烩意粉 - 我地只试左茄汁杂菜烩螺丝粉, 茄汁超多/浓, 螺丝粉弹牙好味道!
手指饼配朱古力喷泉, 正路系好味唔会差, 惊喜的另有白朱古力喷泉, 我个人而言觉得仲好味过普通
果只喷泉, 正呀~~
迷你班兰蛋榚 - 好松软, 清新的班兰配上柠檬香味令我encore可再食多几旧~
整体唔太满意地方包括:
出面既自助热咖啡冇小汤匙, 要问经理佢先去揾俾你(仲要话冇,得胶匙), 酒店地方饮咖啡点会/可以冇?
烧羊架 - 我最爱既羊架有点失望, 羊架好多肥膏, 所以食左一件已冇再食.
烧牛肉 - 全场最唔掂之作, 劲生, 搞到好似食生牛肉片咁, 我自问俾尽都觉得只有4成熟左右, 食唔得落口..
星期六晚上6:30-9:30pm, $248另加一/位, 雪榚是牛奶公司, 整体感觉还可以吧~
张贴
