新泰東南亞餐廳 (馬鞍山廣場)

营业中

休息中

今日放工约咗人喺马鞍山广场，咁就谂住不如试下喺度食埋饭啦，就行咗入去一间新泰马来西亚餐厅，餐厅门面都好靓，入到去坐位都好阔落，餐牌睇落去都好多嘢食㖞；简单地点咗猪颈肉沙律，泰式鸡肉青咖哩，印度薄饼，同埋日本南瓜海鲜饭。首先嚟咗个泰式青咖哩同埋印度薄饼，个青咖哩之中嘅配菜好似南瓜，豆呀等等实在系超好味，再加上印度薄饼真系一个绝配，不能不试；猪颈肉沙律，最初以为猪膶肉摆喺沙律上面，原来完全唔系，我觉得应该叫做猪颈肉生菜包，因为佢系比一小盆生菜你，去包住啲猪颈肉嚟食，食落好清新，猪颈肉唔会觉得油腻有生菜嘅中和；最后送来巨型嘅日本南瓜海鲜饭，面头有焗溶咗嘅芝士同埋好香嘅椰汁味，而分量亦都相当之大，足够两个人食，如果下面嘅南瓜饭可以再加啲料去炒炒佢呢就完美喇，亦都可以用匙羹刮一啲南瓜肉嚟到𩠌饭。估唔到马鞍山都有好味嘅马来西亚食品餐厅。