影片
更多
2022-01-29
873 浏览
依间餐厅有得食铁板烧或者omakase，今日同屋企人嚟依度拣左食铁板烧lunch，谂住enjoy下，我地今次食有预先book位。食铁板烧会喺个包厢里面，环境唔错有个大玻璃窗可以远望出面海景，而且坐落都宽敞舒服，今次拣左食$328嘅铁板烧套餐。▪︎温室野菜沙律依个系前菜，估唔到里面仲有红豆、椰果做搭配，再配埋胡麻酱，食落好fresh。▪︎法国鹅肝/银鳕鱼/大虾/北海道帆立贝 (四选二)帆立贝厚身好大粒，经过香煎再有埋紫菜汤做铺底，食落爽口而且非常鲜甜。大虾口感亦好弹牙，加左虾膏食落好惹味。另外不得不赞嘅系法国鹅肝，依个鹅肝底下仲会搭配埋块多士。鹅肝煎得非常香口，入口即溶，油脂喺口中散发，连同煎到脆卜卜嘅多士一齐食，超级好食，我觉得成餐最好味嘅就系依个，推荐大家要试下依个鹅肝。另外屋企人都有叫左银鳕鱼，见师傅整嘅过程会将鱼皮拆左出嚟分开煎最后再做返装饰，卖相都几别致吸引，不过我就无试到。▪︎美国特级牛柳/肉眼薄烧(二选一)同屋企人share食所以两款都有试到，牛柳切到细细粒，食落软腍唔会过韧，有口感而且调味亦适中，食得出牛肉鲜味。肉眼薄烧里面会包左啲葱一齐煎，肉质食落都好滑同顺口，比我想像中更好
食铁板烧会喺个包厢里面，环境唔错有个大玻璃窗可以远望出面海景，而且坐落都宽敞舒服，今次拣左食$328嘅铁板烧套餐。
▪︎温室野菜沙律
依个系前菜，估唔到里面仲有红豆、椰果做搭配，再配埋胡麻酱，食落好fresh。
▪︎法国鹅肝/银鳕鱼/大虾/北海道帆立贝 (四选二)
帆立贝厚身好大粒，经过香煎再有埋紫菜汤做铺底，食落爽口而且非常鲜甜。大虾口感亦好弹牙，加左虾膏食落好惹味。另外不得不赞嘅系法国鹅肝，依个鹅肝底下仲会搭配埋块多士。鹅肝煎得非常香口，入口即溶，油脂喺口中散发，连同煎到脆卜卜嘅多士一齐食，超级好食，我觉得成餐最好味嘅就系依个，推荐大家要试下依个鹅肝。另外屋企人都有叫左银鳕鱼，见师傅整嘅过程会将鱼皮拆左出嚟分开煎最后再做返装饰，卖相都几别致吸引，不过我就无试到。
▪︎美国特级牛柳/肉眼薄烧(二选一)
同屋企人share食所以两款都有试到，牛柳切到细细粒，食落软腍唔会过韧，有口感而且调味亦适中，食得出牛肉鲜味。肉眼薄烧里面会包左啲葱一齐煎，肉质食落都好滑同顺口，比我想像中更好食。个人觉得啲牛唔洗额外点酱汁都已经好好味。伴碟仲会有啲蒜片，食落好似薄脆咁。
▪︎炒饭
虽然炒饭嘅用料都只系好普通，但觉得炒得几有镬气，干身而且食落香口。分量亦都唔少。同时亦会附上面豉汤同渍物。
▪︎炒野菜
主要都系以芽菜为主，亦有啲菇做搭配，味道正常不过不失。
▪︎咖啡/茶/雪糕
饭后当然系食返个雪糕甜品，今次有绿茶同红豆味拣。抹茶味雪糕食落觉得奶味重啲，茶味唔算好浓郁，但有雪糕作完结已令我觉得好满足。
上咖啡或者雪糕前，仲会有一个焦糖吐司嘅小食。依个系餐牌上面无架，算系隐藏餐单。睇住师傅整嘅过程喺面包上面撒上满满嘅砂糖，再攞去煎到金黄色真系觉得十级邪恶。色泽非常诱人，啲砂糖融化喺方包面上，覆盖每个角落，食落够香脆，虽然甜不过好好味！
虽然野食唔算好多，但我食完都觉得够饱。依度环境真系唔错，如果想食餐relax嘅可以嚟试下依间铁板烧。
张贴
