JK Kitchen (已結業)

同朋友行经铜锣湾，想揾间舒服嘅餐厅慢慢坐。见到有间楼上越南菜，装修到好似cafe咁，望落都唔错，所以就入去试下！我地嗌左个茉莉奶茶(小甜)同青柠梳打，前者茉莉味好香，饮落唔太甜冇乜罪恶感xd 后者味道好fresh，用黎中和食物嘅油腻感就啱啱好。小食方面嗌左必点嘅猪颈肉同米纸卷。猪颈肉肥瘦适中，烧得好嫩滑；米纸卷口感丰富，加埋甜甜地嘅酱汁，好开胃。老板娘炒米好有镬气，而且好足料，兼夹唔油！士多啤梨窝夫嘅雪糕好似系牛奶士多啤梨味，值得一试。