The Francesco

营业中

休息中

今日特登过大角咀揾呢间听闻系由罗马大厨主理嘅意大利餐厅，店入面比我想像更宽敞，座位舒适，灯光气氛上亦感觉唔错。🍴牛肉酱粗管意大利粉纯用牛肉制作嘅蕃茄肉酱，加上两只手指咁粗嘅大管意大利粉，最后洒上格拉娜帕达诺芝土碎，食落肉味香浓，蕃茄嘅酸甜适中，仲带有意大利芝士嘅香味，越食越开胃。🍴亚洲式烤鲈鱼上枱果阵吓咗一跳，超级大条鲈鱼绝无欺场😂，原条烤制后再铺上由香茅、芫茜、番茄、红葱头制作嘅酱汁，味道方面最抵赞佢系完全无腥味而且肉质够晒滑，鱼肉本身味道清淡，但捞埋酱汁一齐食味道就fit晒，伴碟嘅沙律菜都好好味。🍴即制手功提拉米苏即叫即制嘅提拉米苏，外表同外面食开嘅好唔同，口感方面手指饼非常松软，芝士忌廉亦够滑，食落咖啡味非常强烈且带有酒香，甜道适中，整体味道比较丰富，各种材料味道都好突出。🍴菠萝汁甜度啱啱好，饮落仲有粒粒菠萝肉，好饮😋。