花貝日本料理 (已結業)

Weekend 晏昼想食好d，出左铜锣湾揾好野食～铜锣湾呢带一向都多高质日本餐厅，今日就去左礼顿道呢头一间新开既日本餐厅 花贝日本料理～一出lift，已经觉得呢度好有气派，店面大堂有日本温泉旅馆大堂既感觉，有d位比人坐低除鞋换鞋，不过唔太清楚系边度用，因为我地入去系唔洗除鞋🤣餐厅装修日式得黎好时尚，高级既感觉。lunch set有唔同既野拣，除左寿司/刺身set、仲有西京烧鱼、烧肉、和牛火锅。好耐冇食过和牛，所以我就拣咗和牛配海鲜纸火锅～午餐set首先有个好开胃既前菜，系鱿鱼仔水云，水云酸酸甜甜，非常清新好味，口感爽口👍之后就系刺身两片，有我好钟意既池鱼，好新鲜～主菜来了，好吸引，海鲜纸火锅好fancy。仲有面豉汤、茶碗蒸。面豉汤浓味得来唔会太过咸，茶碗蒸好出色，蛋好滑好香，入面既料好弹牙～火锅上面有花蛤、蟹柳、野菜、大菇、细菇，花蛤非常多汁，鲜甜！和牛有三大片，每片肉同油脂既分布都好靓，见到肉纹都流晒口水。和牛牛味好香，口感软得黎有咬口，正👍最后有甜品雪糕一球。有得拣豆腐同蕃薯味，我拣咗豆腐味，豆腐味嘅雪糕唔系四围都有，好味！系一个完美嘅作结。