上品火鍋料理 (已結業)

话说今日朋友仔生日，大家又喺铜锣湾行完街。三五知己最好就系烚下烚下。咁啱行过见到呢间上品做紧生日优惠，就择日不如撞日入去试下。入到去坐低好快就有人招呼我地，仲介绍菜式俾我地。本来以为呢度喺商业大厦入面隔离又系d高级酒店以为会好贵，点知原来仲有拼盘优惠jeng ar!!由于汤底太多选择嘅关系，我地谂佐好耐决定要清酒花甲汤同四川麻辣鸳鸯锅钟意食辣嘅我地又点可以错过～之后我地仲点佐推介必食嘅海鲜拼盘同上品牛肉拼盘。唔试唔知咩叫必食，海鲜拼盘上台𠮶阵d鱼同虾都仲喺郁紧果然喺新鲜海鲜，冇得顶之后食落d海鲜仲好鲜甜，肉质爽滑。牛肉拼盘有晒7种顶级牛肉部位，一次过满足晒所有人嘅欲望连边爪位都有埋。真系令我好惊喜。仲要大大盘，唔怕唔够喉仲有虾滑同墨鱼滑，认真，真系唔输得！仲有侍应哥哥帮我地分落去洽加分加分！食完饱饱地，大家倾下计饮下嘢，而且呢度虽然喺铜锣湾，环境都算够宽落同舒服，又唔会好嘈。出面唔喺闹区，唔会好多人要食到赶头赶命咁喺好满足嘅边炉之夜，果然喺上品整体而言喺间高质嘅餐厅。